For somme vil omkvedet i livet vere "Kan vi ikkje ha det slik det alltid har vore?" Det kjende er kjært. Mange kan kjenne det slik i kyrkja og. 'Fornying' kan fort opplevast som 'forstyrring'. Og mange kjende det nok slik då kyrkja – etter innspel frå Ungdommens Kyrkjemøte – brått tok sjumilssteg i å sleppe laus moglegheiter for 'lokalt tilpassa gudstenester'. Det vart mykje nytt på ein gong. Og store skilnader frå kyrkjelyd til kyrkjelyd.
Så har bremsene slått inn. Vi skulle framleis vere éi kyrkje, den same, gjenkjennelege kyrkja kor enn i landet du kom. 'Fornyinga' skulle ha ei tydelegare felles retning. Og slik blei det.
Men framleis er det valmoglegheiter innafor rammene. No skal alle kyrkjelydar lande – på kva dei ynskjer å nytte.
OPE MØTE 22. SEPTEMBER KL 19.30 - I HAREID KYRKJE
I Hareid opnar vi for at kyrkjelyden kan få lytte til dei musikalske alternativa og seie kva dei meiner.
Tirsdag 22. september kl. 19.30 blir det eit OPE MØTE i kyrkja, der kantor og forsongarar vil synge gjennom dei aktuelle alternativa. Der vil noko vere kjend og mykje vil vere nytt. Kva ønskjer DU? Kom og gjer deg opp ei meining!
I linken nedanfor finn du DnK sine alternativ til ny liturgi. Dette er eit stort og litt uoversiktleg dokument, difor skal gudstenesteutvalet og kyrkjemusikalsk utval i Hareid sokn i samspel med soknerådet, kome med eit forenkla forslag i det opne møtet 22. september. Vel møtt!
SOKNEMØTE SØNDAG 4. OKTOBER, RETT ETTER GUDSTENESTA I HAREID KYRKJE
På gudstenesta 4. oktober vert den nye liturgien nytta som ein test,og rett etter gudstenesta blir det Soknemøte i kyrkja. Her vert den nye gudstenesteliturgien tema. Det er soknerådet som skal gjere vedtak - før liturgien skal godkjennast av biskop. Liturgien skal stemme overens med den nye gudstenesteboka.
Vel møtt!